Tjálle: Gasskadásega Ájluovta skåvlån / Forfattere: Mellomtrinnet ved Drag skole
Mij, smávvadásega ja gasskadásega Ájluovta skåvlån, sidájma luondov viehkedit. Danen lijma fierván rutsijt tjåkkijma, dijstagá ragátmánno 16. biejve. Ulmme lij luondov ájmon anedit, ja oahppat ienep birásgáhttima birra.
Álgijma skåvlån åhpadimgárvvidusájn “rutse nuoren”. Mij gehtjajma “Et hav av plast”, dokumentárra NRK:as rutse birra nuoren, muhtema stiellijin plakáhtajt ja låhkin “Májjá ja skávletjivgga”-girjev, madi muhtema ájáduskártta ja roallaoavdástallamav stiellijin.
Drag sanitetsforening stiellijin biebmov midjij. Hávsskudalájma aktan njálges biebmoj, åvddål vádtsájma Bukta:j, gånnå mij rutsijt tjåkkijma fierván. Miján lij ruhtsevuossa ja barggohánska maŋen, ja skielo gånnå tjåkkijma glássa- ja metállabiehkijt.
Fierván gávnajma ållo plastihkav, glássajt ja metállajt. Avta bijlladehkav aj gávnajma, ja stuorra metállarutse ma ejma nagá duoppedit.
Åhpajma jut ep galga rutsijt håjggåt luondon, ja rutsijt tjoagget gå vuojnnep dav luondon. Gå gergajma, lijma divna luvvasa ja vájbbasa, valla dudálattjan lijma gå lijma mijá luondov viehkedam.
Midja smávvadásen ja gasskadásen Ájluovta skåvlån sihtap bádtjit ulmutjijt ålles væráldin (sierraláhkáj ulmutja Nuortta-Sálton) rádjat ja tjoagget ruhtsijt sijá ietjasa lagosbájkijn.
______
Vi på småskolen og mellomtrinnet på Drag skole ville hjelpe naturen. Derfor var vi i fjæra og plukket søppel, tirsdag 16. september. Målet var å bevare naturen, og å lære mer om miljøvern.
Vi startet på skolen med et undervisningsopplegg om “maritim forsøpling”. Vi så på “Et hav av plast”, en dokumentar av NRK om søppel i havet, noen lagde plakater og leste “Májjá ja skávletjivgga”-boken, mens noen lagde tankekart og rollespill.
Drag sanitetsforening lagde mat til oss. Vi koste oss sammen med god mat, før vi gikk til Bukta, hvor vi plukket søppel i fjæra. Vi hadde søppelsekker og engangshansker med oss, og bøtter hvor vi samlet glass- og metallbiter.
I fjæra fant vi mye plastikk, glass og metall. Vi fant også et bildekk, og store metalldeler som vi ikke fikk til å ta med oss.
Vi lærte oss at vi ikke skal kaste søppel i naturen, og at vi tar med oss søppel hvis vi ser det i naturen. Når vi ble ferdige var alle våte og slitne, men vi var fornøyde ettersom vi hadde hjulpet naturen vår.
Vi på småskolen og mellomtrinnet ved Drag skole vil oppfordre folk over hele verden (spesielt folk i Nord-Salten) til å rydde og plukke søppel i deres nærområder.
